Geguritan Jawa

WAYAH ESUK

Saben wayah esuk
Aku wis ngadeg
Neng ngarep lawang sekolahan
Nunggu bocah bocah podho teko

Dak sawang
Bocah bocah sing lucu-lucu..
Lugu..tur ngguyu
Sajak seneng atine
Sumringah praupane

Siji mboko siji
Podho antri nyalami astan
Kanthi ati kang tulus
Kanthi tutur kang alus

“Sugeng enjang bunda”
Tak lus sirahe
Kanggo mbombong ati lan tekade
Bocah-bocah sing lugu lan lucu kuwi
Sangu kekarepan
Gladi kapinteran
Amrih ora cublek pikire

Andy Sri Mulyani H.S
KB Permatasari
Kartasura

DALAN KUWI

Wayah esuk ..
Naliko srengenge
Semburat neng brang wetan
Dalan kuwi…
Saben dino tak lewati

Kanthi ati kang seneng
Kanthi nyangklong tas sekolah
Isine potlot siji, buku siji
Botol isi wedang putih
Roti siji siji
Sing wis dicawiske ibu ndek wingi

Yo ora lali sangu
Dongane bapa ibu

Dalan kuwi…
Saben dino
Tak lewati
Ngeterke aku golek ilmu
Menyang PAUD
Kanggo sanguku
Ing pasinaon luhur

Andy Sri Mulyani H.S
KB Permatasari
Kartasura

credit foto by geniussmart.net

About

View all posts by

Tinggalkan Balasan